Yeh hai meri zindagi....

zindagi ki raftar thodi bojhil ho gayi hai
maano kisi ne iske pairo me patthar
aur aankhon pe raat baandh di ho

hanste hansaate pal bhar me
koso duur nikal jaati thi
ab aao bhi, kyun piche chute ho
palat ke muskura ke kahti thi

aaj na hi vo chulbulapan hai
na hi aage bhaag jaane ki lalak
jaane kyun bas thahar jana chahti hai
puchta hun to bas aankhe jhuka leti hai

mano jaise kah rahi ho sawal na pucho
pas baitho aur meri khamoshi ko samjho
pas baithta hun to zara sa muskura deti hai

mano dard ko honthon pe sajana chahati hai
yeh hai meri zindagi, duniya ko to chalti hai
mujhe bhi khamoshi se ajmana chahati hai