mujhko kuch yaad nahin
मुझको
-------------------------------------------------------
mujhko kuch yaad nahin
kab saare mausam badle
kab hamare raaste badle
tum kis taraf gaye
kyun ham is taraf chale
tera milna bhi yaad nahin
tera bichadnaa bhi yaad nahin
mujhko kuch yaad nahin
kyun din dhalaa kab raat hui
kyun pile patton ki barsaat hui
kaisi pahli mulaqat thi
kab pyaar ki akhiri raat thi
tera aana bhi yaad nahin
mera bulana bhi yaad nahin
mujhko kuch yaad nahin
kaisa tha rang teri aankhon ka
kyaa tha aadhar hamari baaton ka
kaun si manjil pe tera terrace tha
kaun si sadak pe mera ghar tha
dil ki dhadkan bhi yaad nahin
saanson ki mahak bhi yaad nahin
mujhko kuch yaad nahin
kyun bikhre hain itne kagaz
kyaa tere khat hain ye kagaz
kyun phir tera in pe naam nahin
kyun mere naam koi paigaam nahin
tera naam bhi yaad nahin
aks bhi apna yaad nahin
